2017-ci ilin noyabr ayında Milli İrsi Mədəni Tarixi Araşdırmalar (MİMTA) Fondu tərəfindən təsis olunan “Reference Group” MMC “Maliyyə və Mühasibatlıq Bürosu” ölkə iqtisadiyyatının sahibkarlıq sferasında hesabatlılıq səviyyəsinin artırılması, mühasibatlıq problemlərinin həllərinin tapılması, uçot mexanizmlərinin təkmilləşdirilməsi sahəsində fəaliyyət göstərir. Şirkətdə istehsalat, ticarət və xidmət sahəsində peşəkar təcrübəyə malik komanda fəaliyyət göstərir.

Müştərilərimizə dəqiq və keyfiyyətli xidmət göstərmək üçün innovativ imkanlardan, ən müasir tələblərə uyğunlaşdırılmış proqram təminatlarından və texnoloji avadanlıqlardan istifadə edirik. Şirkətimiz rəhbərlik səviyyəsində mütəxəssislərin fəaliyyətini müntəzəm olaraq izləyir və onlara işin keyfiyyətli təşkili üçün bilik və bacarıqlarını təkmilləşdirməkdə köməklik göstərir.

İqtisadiyyatımızın bünövrəsi sayılan sahibkarlıq və yerli istehsalat subyektlərinin davamlılığının, dinamikasının qorunması üçün maliyyə və mühasibatlıq sahəsində yüksək keyfiyyətlərə malik xidmətlər təqdim etmək başlıca vəzifəmizdir. Şirkətimiz Azərbaycanda biznes və maliyyə strukturunun beynəlxalq standartlara cavab verə bilməsi, beynəlxalq idarəetmə və uçot mexanizmlərinin qurulması, hesabatlıq səviyyəsinin yüksəldilməsi üçün müasir həllər təklif etməkdədir. 

Missiyamız beynəlxalq mühasibat uçotu standartlarını tətbiq etmək və mühasibatlıq sferasında ölkəmizin öndə gələn şirkətlərindən birinə çevrilməkdir.